Jańa merekeni qurý týraly usynysty QR táýelsizdiginiń 20 jyldyǵyn toılaý qarsańynda depýtattar toby jasady. Osydan keıin 2011 jyly 10 jeltoqsanda QR parlamenti 1 jeltoqsanda jańa memlekettik merekeni atap ótýdi eskeretin «Qazaqstan Respýblıkasyndaǵy merekeler týraly» Qazastan Respýblıkasynyń zańyna tolyqtyrýlar engizý týraly» zańdy qabyldady. Al 14 jeltoqsanda Memleket basshysy zańǵa qol qoıdy.
Aıta keteıik, 1991 jyldyń 1 jeltoqsanynda elimizde tuńǵysh ret jalpyhalyqtyq prezıdenttik saılaý ótti. Bul saılaýda saılaýshylardyń 98,78% daýysyn jınaǵan Nursultan Nazarbaev jeńiske jetti.
Elimiz Tuńǵysh Prezıdent kúnin alǵash ret 2012 jyly atap ótti. Jyl saıyn mereke aıasynda elimizde ártúrli is-sharalar, kórmeler, forýmdar jáne aksııalar uıymdastyrylady.
